Ahmad ABÝZIаROV,
Qazaqstan Respýblıkasynyń Memlekettik rámizderi jónindegi maman:
– Men Qazaqstan halqy Assambleıasy Keńesiniń kezekten tys prezıdenttik saılaý ótkizý týraly bastamasyn qoldaǵan bolatynmyn. Qazirgi jaǵdaılarda qazaqstandyqtarǵa birinshi kezekte judyryqtaı jumylyp, ekonomıkalyq problemalardy sheshý qajet. Bizde «Nurly Jol» baǵdarlamasynda mazmundalǵan daǵdarysqa qarsy naqty is-qımyl jospary bar. Ol eldegi kóliktik ınfraqurylymdardy damytyp qana qoımaı, sondaı-aq, ekonomıkanyń barlyq salasynda jańa jumys oryndaryn qurýǵa múmkindik beredi.
Osy oraıda aıtarym, bizdiń Prezıdent – óz elinde ǵana laıyqty kóshbasshy emes, halyqaralyq arenada qurmetke ıe saıasatker. Ol aldaǵy kezde de eń kúrdeli máselelerdi sheshýge qabiletti. Sondyqtan biz Elbasyna senim artyp, ózimizdiń bolashaǵymyzdy, balalarymyz ben nemerelerimizdiń bolashaǵyn onymen tikeleı baılanystyraıyq.
Zámza QODAR,
fılosofııa ǵylymdarynyń doktory, Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń sarapshylar keńesiniń múshesi:
– Men Memleket basshysynyń prezıdenttik saılaý ótkizý týraly bastamany qoldaǵany úshin qýanyshtymyn, árıne. Endi Elbasy Nursultan Nazarbaev óziniń kandıdatýrasyn usynady ǵoı degen úmittemin. Memleket basshysy eldiń damýy úshin kóp nárse istep jatyr. Atap aıtqanda, kóp jaǵdaıda Nursultan Ábishulynyń kúsh-jigeriniń nátıjesinde genderlik saıasat júzege asyrylyp keledi.
Elbasynyń bastamasymen 1995 jyly Otbasy, áıelder isteri jáne demografııalyq saıasat jónindegi keńes quryldy. Keıin ol Prezıdent janyndaǵy Ulttyq komıssııa bolyp qaıta qalyptastyryldy. Búgin ol áıelderdiń, balalar men otbasylardyń jaǵdaılaryn jaqsartý boıynsha tıimdi sharalar qabyldaıtyn konsýltatıvti-keńesý organy retinde jumys isteıdi. Qazaqstan búginde adam quqy jónindegi 60-tan astam halyqaralyq qujatqa qol qoısa, olardyń arasynda mańyzdy genderlik saıasatqa qatysty da qujattar bar. Ana men áıelder kásipkerligin qoldaý boıynsha da kóp is atqarylýda. Meni Prezıdent tarapynan otbasy ınstıtýtyna úlken kóńil bólinetini qýantady.
Nazym QYZAIBAI,
bokstan áıelder arasyndaǵy álem chempıony:
– Árkimniń ómirinde ony sheshýden búkil bolashaǵy táýeldi bolatyn mańyzdy synaqtar, jaýapty jarystar kezdesetini anyq. Sondaı sátterde jınaqylyq, jeńiske degen erik-jiger men jaqyndarynyń qoldaýy asa mańyzdy. Men sondaı sát Qazaqstan ómirinde de týyp tur dep oılaımyn.
Biz Prezıdentimizdiń janyna toptasyp, oǵan jan-jaqty qoldaý kórsetýimiz kerek. Sonda Qazaqstannyń kez kelgen qıyndyqtardy eńserýge qaýqary jetetinin dáleldep qana qoımaı, álemdegi asa damyǵan 30 memlekettiń qatarynan tabylýǵa da keń jol ashylatyn bolady.
Búginde biz álemdegi kóshbasshy 50 eldiń qataryndamyz. Alda jańa maqsattar tur, oǵan jetý úshin qazaqstandyqtardyń ortaq mindetteri bar birtutas halyq ekenin dáleldeýimiz qajet. Sondyqtan men QHA Keńesiniń kezekten tys prezıdenttik saılaý ótkizý týraly oryndy bastamasyn qos qoldap qoldaǵan edim. Endigi tilegim – Elbasynyń saılaýǵa túsýi.
Jumabaı BAINATOV,
Q.I. Sátbaev atyndaǵy Qazaq ulttyq tehnıkalyq ýnıversıtetiniń professory, «Qurmet» ordeniniń ıegeri:
– Joǵary oqý ornynda magıstranttarǵa dáris oqıtyn bolǵan soń, olarǵa mindetti túrde bıylǵy kezekten tys prezıdenttik saılaý týraly, onyń strategııalyq ta, taktıkalyq ta jaǵynan beıbit ómirimizge óte tıimdi ekenin jan-jaqty baıandap berdim. Olardy qazirgi Prezıdentimiz saılaýǵa túsip jatqan jaǵdaıda jappaı daýys berýge shaqyrdym. Magıstranttardyń da osy saılaýdyń tıimdi sheshiletinine senimderi mol. Barlyǵymyz da «Asý ústinde at aýystyrmaıdy» degen pikirdemiz.
Onyń ústine, Elbasynyń halyqqa Joldaýynda óte mazmundy jobalar kún tártibine qoıyldy. Osy isterdi júzege asyrý, eldiń amandyǵyn saqtaý, sheteldermen tatý-tátti qarym-qatynasta bolý tek qana qazirgi Prezıdentimizdiń qolynan keletin is dep bilemin. Sondyqtan, erteńgi kúnimizdiń jaryq bolýy úshin, ul-qyzdarymyzdyń jarqyn bolashaǵy úshin kezekten tys ótetin prezıdenttik saılaýǵa Elbasynyń qatysqanyn qalaıtynymdy ashyq bildiremin.
Kúlásh MAMYROVA,
Qazaq qyzdar pedagogıkalyq ýnıversıteti geografııa kafedrasynyń meńgerýshisi:
– Pedagog jáne azamat retinde Qazaqstan halqy Assambleıasy Keńesiniń kezekten tys prezıdenttik saılaý ótkizý týraly bastamasyna qoldaý bildirgen edim. Bul taqyryp qoǵamda keńinen talqylandy. Ol da kezdeısoq emes. Barlyq qazaqstandyqtar úshin, túrli urpaq pen túrli salalarda jumys isteıtin adamdar úshin elimizdiń turaqty damyǵany, beıbitshilik pen tynyshtyqtyń saltanat qurǵany mańyzdy.
Bul úshin memleket bıliginde qazirgi Elbasy qalý kerek. Sonda el aldynda turǵan ekonomıkalyq mindetterdi sheshýge múmkindik týady. Al bul áleýmettik saladaǵy jaǵdaıdyń jaqsarýyna tikeleı áser etedi. Táýelsizdiktiń alǵashqy kúnderinen bastap Qazaqstan Prezıdenti bilim berý men densaýlyq saqtaý salalaryna basa nazar aýdaryp keledi. Muny óz azamattaryna degen turaqty qamqorlyq dep qabyldaý kerek. Kezekten tys ótetin prezıdenttik saılaý halqymyzdy Elbasy tóńiregine kezekti márte toptastyrady dep esepteımin.
Eldos SMETOV,
dzıýdo kúresinen Azııa oıyndarynyń jeńimpazy:
– Qazaqstan halqy Assambleıasy Keńesiniń kezekten tys prezıdenttik saılaý ótkizý bastamasy týraly aqparat quraldarynan estidim. Biz qazir elimizde turaqtylyq pen qoǵamdyq kelisimdi, dostyqty sezinemiz. Basqa elderde bolyp jatqan qaqtyǵystardy, daý-janjaldar men kelispeýshilikterdi telearnalardan jıi kóremiz.
Bir qýanyshtysy, Qazaq eli osyndaı keleńsizdikterden aýlaq. Búginde elimizdiń ustanǵan saıasaty berik, barlyq memlekettik baǵdarlamalar oıdaǵydaı júzege asyp keledi. Elimizde sporttyń damýyna da úlken kóńil bólinip jatyr. Sondyqtan men sportshylar qaýymy jáne dzıýdo kúresinen qazaq quramasy atynan Elbasy Nursultan Nazarbaevtyń ústimizdegi jyldyń 26 sáýirine belgilengen saılaýǵa túsýin qalaıtynymdy atap kórsetkim keledi. Qazaqstandyq barsha sportshy saılaýda qazirgi Memleket basshysyna daýys beretini kúmánsiz.